وصفة كايكة تونسية ساهلة وفيها منفعة.
خبزة الدرع من أحب الوصفات عند التوانسة. المكون الأساسي هو الدرع، حبوب تنبت في القارة الإفريقية، عندها برشة منافع وطعم مميز. إذا ماكش من محبي الحاجة كي تبدى حلوة برشة، ننصحك تحط 125g سكر في بلاصة 200g.
المكونات
2 كيسان درع مرحي (250غ)
1 كاس فارينة (150غ)
1 كاس سكر (200 غ) (أنا نحط 125غ خاطر مانحبهاش حلوة برشة)
2 مغارف صغار سكر فانيليا
2 مغارف صغار خميرة مرطبات
4 عظمات
1 مغرفة كبيرة زهر
1/4 كاس جلجلان
1/2 كاس فاكية مهروشة
1/2 كاس زبيب
الطريقة
في صحفة كبيرة، خلط المكونات الجافة مع بعضها : الفارينة، الدرع، السكر، سكر فانيليا، الخميرة، الجلجلان، الفاكية والزبيب. تنجم تخلي شوية فاكية على جنب بش تزين بها مالفوق.
اركضالعظم مع الحليب والزيت والزهر ثم زيدهم على المكونات الجافة وخلط مليح.
ادهن أحراف إناء الفرن بالزيت والا بالزبدة قبل ما تحط فيه الخليط.
زين مالفوق بالفاكية المهروشة.
طيب الخبزة في فرن مسبق التسخين على درجة 160°C لمدة 45 دقيقة أو أكثر. ثبت في طياب الخبزة بإستعمال السكينة.
