عادت الانستغراموز مريم الدباغ اليوم السبت 13 ماي 2023 ، بالحديث عن تجربة ايقافها الاخيرة .
وكشفت أنها وجدت في مركز الإيقاف ببوشوشة 22 فتاة .
كما اكدت انها لا تعمل في تونس وليس لها أي حساب بنكي في تونس وأن قامت بخلاص المبلغ المتخلدّ بذمتها قبل فترة الإيقاف وان الاشكال في الشخص الذي تسلمت منه الأموال ( صرف الصك رغم تسلمه اموال).
وانتقدت تصرفات الإعلامي سمير الوافي تجاهها ،وقدمت بالمناسبة اعتذاراتها للاعلامية عربية حمادي التي لم تتشف فيها وساندتها في محنتها .
وفي ما يلي ملخص لما قالته مريم الدباغ في برنامج “نجوم” مع الهادي زعيم على أمواج إذاعة موزاييك.
“دوبا دخلت لبوشوشة الناس الكل تصدمت… لقيت 22 طفلة في بوشوشة اول حاجة رديت .. 7 سوايع حتى حد ما ينجم يجيني خاطر الحكاية طاحت بالاحد كان دخلت نهار الجمعة راني قعدت لنهار الاثنين ملا قانون… انا ما نخدمش في تونس و ماعاد عندي حتى كونت بانكة في تونس و شيكاتي الكل خالصين.. ثما شاك عطيتو لشخص مشيت سافرت قتلو ما تصبش الشاك تو نروح نخلصك كاش روحت خلصتو كاش ياخي الشاك ما قطعوش مشى صبو.. ما تحكيليش على سمير الوافي لا نستعرف بيه لا نتشرف بيه… انا مرا بألف راجل و هو ماهوش راجل الي يتشمت في الحبس و هو متحيل و حب يركب على الحدث و هبط الخبر اول واحد زعما هو بطل و ورا الحكاية و عامل تصويرة زعما هاني حطيتك في مخي.. لازم يتحل بحث و يتحاسب و كيما تشمت فيا انا نتمناه يكون في السجن ..عمركش شفتني طلبت السماح من حد انا اليوم نطلب السماح من عربية حمادي على خاطر طلعت مرا و انا غلطت في حقها خاطر هي بربشتني و انا الي ياقف معايا نرالو بيه “
