قال الفنان نور الدين الباجي ان قلة ظهوره الاعلامي سببه عدم دعوته من قبل وسائل الاعلام و لكن هذا ما نفته فدوى المنصوري معدة برامج في التلفزة تي في و اكدته في تدوينة لها يقول نصها:
“تنهّد ثم أجهش بالكلام: ما يستدعاونيش في الإعـلام!
بالصدفة نتجوّل بين القنوات الشقيقة، لقيت الفنان نور الدين الباجي ضيفا على برنامج شمس الدين باشا… استغربت خاصّة أنّو رفض دعواتي المتكرّرة لبرنامج نهارك زين، لكن عادي…
وبالصدفة، سمعتو يجيب على سؤال باشا على أسباب غيابو عن الإعلام بأنّو “ما يستدعاه حدّ”.. حبّ يقول أنّو مفروز إعلاميّا وقد تجنّب الحقيقة والصواب،
سي نور الدين الباجي؛ كلّمتك أكثر من 5 مرّات لاستضافتك في برنامج نهارك زين على تلفزة تي في، واللّي حبّيناه يكون مفتوح لكل الضيوف ومنفتح على كلّ الألوان الفنيّة.. لكنك كنت تعتذر في كلّ مرّة…( أسباب شخصية )
وآخر مرّة كلّمتك فيها، قتلي حرفيّا : ” مش معقول هكا كل مرة تكلمني راهو باش يولي قلق ليا و ليك “…
عجايب! على الأقلّ كنت نعدّيها لو قلت مانحبّش نمشي، أو ماخطرليش، لكن أنّك تنكر لهنا نقلّك سامحني راك غالط وكلامك موش صحيح….
في الأخير، لك حريّة الإختيار لكن ليس لك مجال للإنكار لأنّي استدعيتك في عديد المرّات… وشكرا”
