أعلن المطرب أحمد سعد تبرعه بجزء من أجره من الحفلات التي يحييها خارج مصر لصالح الاقتصاد المصري، وذلك في ظل الظروف الاقتصادية الصعبة التي تمر بها البلاد.
وقال أحمد سعد في فيديو نشره عبر حسابه بموقع انستجرام: “طبعًا إحساسي إن مصر بتمر بمشكلة اقتصادية أصبح دلوقتي شيء يؤرقني ويتعبني جدًا، ودايمًا بفكر في إيدي إيه أعمله، وبصراحة حسيت إني لازم أعمل حاجة”.
وأضاف أحمد سعد: قررت من أجري بره مصر اللي بقبضه بالدولار أتبرع بـ 50 ألف دولار للاقتصاد في بلدي، ده شيء أكيد لا يذكر لحجم الاقتصاد عندنا، المبادرة طالعة مني محدش وجهني أو حد قال لي أعمل أي حاجة، مش عارف أوديهم لمين أو أعمل إيه علشان أحس إحساس كويس تجاه مصر حبيبي بلدي، وأي حد هيعمل زيي هيحس إحساس حلو بنفسه، وفق تعبيره.
