الرابع من رمضان/ دبارة اليوم

رمضانيات: تقترح عليكم “تونس الآن” طيلة شهر رمضان ركنا قارا بعنوان “دبارة اليوم” يتضمن مقترحات لأطباق تساعد العائلة على إيجاد أفكار لوجبات “شقان الفطر”.

تونس الان:

تقترح عليكم “تونس الآن” طيلة شهر رمضان ركنا قارا بعنوان “دبارة اليوم” يتضمن مقترحات لأطباق تساعد العائلة على إيجاد أفكار لوجبات “شقان الفطر”.

وفي اليوم الرابع من شهر الصيام نقترح عليكم الدبارة التالية:

طاجين ملسوقة بالدجاج

المقادير

200 غرام صدر دجاج

8 ورقة ملسوقة

1 – بصلة مفرومة

8 – بيضات

100 غرام جبن مبشور

4 قطع جبن مثلثات

1 ملعقة قهوة كركم

1 ملعقة قهوة ثوم مفروم

50 غرام زبدة

– – زيت للقلي

– – ملح

– – فلفل اسود

– – زيتون أخضر مقطع

طريقة التحضير

1 – تحضير اسكالوب: نقطّع صدر الدجاج إلى أجزاء صغيرة ومتساوية

2 – نسكب الزيت في قدر ونضيف صدر دجاج مقطّع، ثوم مفروم، البصل المفروم، الكركم والملح, فلفل اسود ونتركه فوق نار متوسطة

3 – نحرك المكونات و عندما يستوي الدجاج نرفع القدر من فوق النار ونتركه جانبا

4 – تحضير الخليط: نسلق بيضتين ونقشرها ثمّ نقطّعها ونتركها جانبا

5 – نقطّع الجبن مثلثات إلى أجزاء

6 – نضع 6 بيضات في وعاء آخر ونضيف البيض المقطّع، الجبن المبشور، الجبن مثلثات,زيتون ثمّ نخفق المكونات باستعمال شوكة

7 – نضيف القليل من الملح والفلفل الأسود مع مواصلة مزج المكونات

8 – نضيف الدجاج فوق بقية المكونات ونمزج

9 – تحضير طاجين الملسوقة: نقوم بإذابة الزبدة ونتركها في وعاء صغير

10 – ندهن طبق الفرن بالزبدة

11 – ندهن ورق الملسوقة بالزبدة ونضع 4 أوراق نصفها في الطبق ونصف الثاني يتدلى خارج طبق الفرن. نضيف ورقتين ملسوقة في المنتصف حتى نغطي الطبق بالكامل

12 – نسكب الخليط في طبق الفرن ثمّ نقوم بطيّ أجزاء أوراق الملسوقة التي تركناها على الحاشية على الحشو

13 – ندهن ورقتين ملصوقة ونضعهما فوق الخليط

14 – نخفق بيضة في وعاء وندهن سطح طبق طاجين الملسوقة

15 – نترك الطبق في الفرن مدّة 30 دقيقة وتحت درجة حرارة 180

16 – نترك طبق طاجين الملسوقة جانبا حتّى يبرد ثمّ نقطّعه

سردينة محشية

المقادير

1 رشة فلفل أكحل

100 غرام جبن مرحي

1 ملعقة قهوة زعتر

1 صحفة صلصلة طماطم

1 صحفة معدونوس مقصوص

1 – عظم

1 ملعقة قهوة ثوم مرحي

1 ملعقة قهوة كمون

1 رشة ملح

500 غرام سردينة

طريقة التحضير

1 – خلّط في صحفة: معدنوس + بصل + زعتر + عظمة + فلفل اكحل + ملح + ثوم

2 – حط صلصة الطماطم في طبق الفور

3 – أعمل فرشة سردينة بعد ما تنظفها وتحلها

4 – حط الحشو إلّي حضّرتو فوق السردينة

5 – زيد فوق الحشو فرشة أخرى بكعبات سردينة

6 – صبّ الصلصلة فوقها

7 – حطّ الطبق في الفور مدة 25 دقيقة وتحت درجة حرارة 180

8 – السردينة المحشية حضرت حطها في صحن للتقديم وأعمل فوقها رشة معدنوس

كايك بالياغورت
المقادير

1 باكو خميرة قاطو

2 كيسان سكر

2 كيسان فارينة

1/2 كأس زيت

2 كعبات ياغورت طبيعي

3 كعبات عظم

50 غرام (فاكية مرحية حسب اختيارك (لوز، بوفريوة، فستق

1 باكو سكر فانيليا

طريقة التحضير

1 – حطّ في صحفة: سكر + ياغورت وأركضهم مليح وخليهم على جنب

2 – نحّي أبيض العظم على جنب وخوذ الفص الأصفر وحدو وأركضو مليح

3 – صب فوق أصفر العظم خليط الياغورت + الزيت وأركضهم مليح

4 – خلّط في صحفة: فارينة + خميرة + سكر فانيليا + الفاكية

5 – زيد لمزيج العظم الفارينة بالشوية من غير ما تقص على الركضان

6 – أركض أبيض العظم في الخلاط لين ينفّج وزيدو للخليط وأركضو

7 – صب الخليط في قالب وحطو في الفور مدّة 30 دقيقة وصحة وبالشفاء