تحدث الممثل عاطف بن حسين أن شخصية “الشوكو” في مسلسل مكتوب لها 12 سنة و لازلت حية و تعيش في اذهان الناس وقد أثرت فيه والتجأ الى طبيب نفسي.
وقال بن حسين ان “الشوكو شخصية خيالية متاع منحرف عندو جوانب إنسانية و المتفرج تعاطف معاه لكن كانت ثمه جرأة و حرية و مسؤولية بش تقنع المتفرج بمسلسل جديد دخل لعوالم جديدة و مواضيع جريئة اول مرة تتطرح مش مستانس بيها المشاهد”.
وأضاف عاطف بن حسين أن هناك فترة التجأ لطبيب نفسي “قلقتني الشخصية وصلت وليت نلوم على العباد نقلهم كيفاش تخليو صغاركم يتفرجو في المسلسل الي ديجا كنا حاطين عليه “12 -” وفما طفلة عمرها 16 سنة صارلها اكتئاب حاد بعد وفاة الشوكو”.
وتابع عاطف بن حسين “الناس قعدت مدة طويلة تعيطلي شوكو و تمشي للبوتيك متاع نهج زرقون يسألو عالشوكو و الاغرب بعد الحلقة الاخيرة وقت وفاة الشوكو الناس جاو لدارنا في الشابة يعزيو”.
