قال اللاعب الدلي السابق للمنتخب الوطني عصام جمعة إنه تعرّف عند ذهابه إلى دبي لأول مرّة على فنانة معروفة عبر أحد أصدقاءه لافتا إلى أنها قامت بدعوته إلى العشاء في منزلها.
وأفاد جمعة لدىحضوره في برنامج فكرة سامي الفهري على قناة الحوار التونسي أنه فرح حينها بالدعوة قائلا “قلت عائلة تونسية باش تستدعاني على عشاء مشيت نلقاها هي و أربعة نساء عملولي عشاء تونسي”.
وتابع “بعد ما تعشيت الفنانة قاتلي ايجا نعرفك على مرا سودانية راهي عرافة تصدمت اول مرة تصيرلي حاجة كيما هكا قدامي مبعد سهرت شوية ومبعد روحت بعد مدة تعاركت انا وياها صارت نبزة جبدت روحي…. نهار من نهارات بعد مدة طويلة يجيني تاليفون الأربعة متاع الصباح وانا راقد مرة لولا صاحبي قالي شبيك ماجيتش قتلو مانجمش نجي نترانا يطلب التليفون مرة أخرى تكلمني الفنانة وتقلي ريت الي عملتو الكل في حياتك انا باش نحطمهولك”.
وأضاف “بعد جمعتين تجيني وجيعة في ساقي الطبيب متاع نادي متاعي تطرد من جرتي في بالهم اني انا مانحبش نلعب هزوني لـ 5 طبة ويقولهم ماعندو شيء لاباس عليه عملت التحاليل الكل والأشعة مالقوا حتى شيء…وانا عندي وجيعة في ساقي موش عادية مانجمش نجري ونشوت الكورة”.
وواصل جمعة: “هزيت تاليفون لدارنا قلتلهم عندي هكا وهكا…. نتذكرها كي توة قاعد في قهوة يجيني تاليفون امي تبكي تفجعت قاتلي روح لتونس توة روحت قعد 10 أيام في دارنا في مدنين جابولي الشيوخ قالولي هكا وهكا وبريت بالرقية…. السحر الي عملوهولي قوي برشا… كلمة نحطملك حياتك ديما ترن في وذني و الموضوع هذا عندو سبعة سنين وانا مانحبش نحكي فيه مع حتى حد…. كي نشوفها الفنانة هذي في تلفزة توة نبدل “.
