نشر الإعلامي علاء الشابي الموجود حاليا في باريس لإجراء تحاليل طبية تدوينة على صفحته بالفايسبوك تحدث فيها عن زوجته وحبها له وصبرها معه ومعاملتها له ومدى نجاحها في التأثير على حياته ووقوفها إلى جانبه في مرضه مكتفيا بالإشارة إليها بـ”بنت الناس” وفيما يلي النص الكامل للتدوينة:
“ما فماش إنسان في الدنيا هذي تحملني قدها وما فماش شخص حبني في الدنيا هاذي كيفها في عام عملتلي الي ما عملتوش في 25 سنة والي عملوه فيها مسكينة في جرتي ما ينجم يتحملو حتى حد بنت عايلة و بنت أصل لا عمرها كرهت حد ولا ظلمت حد الي ما يعرفهاش يحكم عليها بالغالط هي مرتي وانا نعرف آش عندي راجل وبنت راجل ما عمري ما ريت ولا شفت انسان يحبني كيفها ضحات مسكينة بالغالي، و اللنفيس على خاطري إلي خسرتو في حياتي الكل رجعتهولي في عام في مرضتي مرضت أكثر مني أنا نظحك و نلعب و هيا نهار كامل تبكي وتعاني منيش نشكر فيها اما كلمة حق نقولها في بنت الناس أنا طبيعتي صعيبة و شخصيتي معقدة وطريقة عيشي، موش كيما الناس واسلوبي في الحياة غالط بدلتني، في كل شئ وما عمرها ما تعبت و فدت لقيتها وقت الغصرة و وقفت معايا ربي يفظلهالي بنت الناس، ر ربي يكثر منها و كثر خيرها”.
