واصل عبد السلام السعيداني رئيس النادي البنزرتي و صاحب “بدعة ” السروال الاحمر الشهير شطحاته و تصريحاته المستفزة و تصرفاته الصبيانية ، حيث أورد صباح السبت 12 سبتمبر 2020 تدوينة على صفحته الرسمية على الفايسبوك ، لم تخلو من العبارات و الألفاظ النابية التي تدل دون شك على انحطاط اخلاقي غير معهود .
السعيداني هدد كل من سيعارض النادي البنزرتي و يتسبب في نزوله (وفق ادعاءاته ) بالمنع من الدخول الى بنزرت محرضا على الفتنة و الانقسام قائلا : “غدوة أي مظلمة تصير أو تجاوز من أي طرف إحسبوا القنطرة طاحت و ينزرت ماعادش يدخللها حتى …….،
خاتر أولا: ما حبيتوش تحشموا على رواحكم ،
ثانيا: ما عنا ما ربحنا منكم و من دولتكم،
ثالثا : القنطرة باش الطيح علينا بالطبعيتها
رابعا : تهزوا في ثرواتنا و ما تعطيونا في شيء،
خامسا : كيف نوليو دولة وحدنا ناكدلكم في ظرف خمسة سنين نصبحوا اغنى من الدولة التونسية إللي عندها ثلاث الاف سنة حضارة و ما فيها كان الفساد و السراق،
سادسا : احنا منعفطوش لا نسكروا كياسات و لا نشعلوا عجالي ولا ريق بارد احنا كيف نخرجوا على سبيل المثال إللي صار في الفصل 22 احرجنا الدولة بطم طميمها و هبطت بجيوشها الكل و ما نجمتش تعمل شيء
احنا إللي خرجنا فرنسا زادة بجيوشها بشارل…. متاعها مبعد ما تخليتوا علينا و بعتونا بارخس الأثمان و رغم هذا الكل شريناكم بارواح جدودنا اما مضهرش فيكم ،
و روسكم يا رجال البودورو متاعكم نخرجوهم في ساعات رودوا بالكم تتحداونا خاتر كان في الفصل 22 لقيتوا رئيس يعمل في السياسة ريضلكم الدنيا المرة هاذي ……………………………..السعيداني،
يا السيابي يا الدولة التونسية ،
اكثر من التحدي هاذا مافماش،
و إللي نزيد ناكد عليه انوا الدولة البنزرتية اقوى بكثييير و الأيام بيننا،
تطييح القدر خايب ريضوا لا نطيحولكم قدركم،
و للحديث بقية …
تدوينة السعيداني لا ندري ان كان للدولة التونسية علم بها فعلا و ان كان للنيابة العمومية اطلاع عليها ، فالكلام الذي اورده صاحب السروال الأحمر يدخل دون شك تحت طائلة القانون و هو فتنة و الفتنة أشد من القتل .. هل من اجل مباراة كرة قدم و من اجل الدفاع عن فشل رئيس ناد غير مسؤول قاد فريقه بتصرفاته الصبيانية و قرارته الفاشلة الى المجهول ، تتحول الامر من مجرد لعبة الى فتنة قد تأتي على الاخضر و اليابس ؟
