تونس الآن
كتب الكاتب العام للنادي الافريقي الاستاذ سامي المقدمي تدوينة على حسابه الخاص في الفايس بعد أن رفع عن نفسه واجب التحفظ لأن الوضع داخل حديقة منير القبايلي لا يحتمل وتعتبر هذه التدوينة بمثابة صيحة فزع أخيرة لإنقاذ النادي الإفريقي مما آلت إليه الأوضاع حاليا والا “سيكون في خبر كان” ..حيث جاء في التدوينة :
“موش من عادتي نحكي فالفايسبوك و باش نحط واجب التحفظ على جنب ..الوضعية حبيتوا تفهموها و إلا ما حبيتوش راهي كارثية أخطاء بالجملة و لا أستثني أحدا و وصلنا توة لحافة الهاوية و سياسة الهروب إلى الأمام و انت متاعي و إلا إنت ضدي لا تجدي نفعا يا برنامج إنقاذ كامل و شامل و مهيكل من حيث الموارد و المصاريف و مراجعة شاملة للأعباء المالية و تبويب الديون و كيفية خلاصها و إلا شكر الله سعينا الناس الكل و تاريخ و حاضر و مستقبل متاع الجمعية باش يمشي في خبر كان لا الهيئة هذي و لا اللي قبلها و لا اللي باش تجي مبعدها باش تنجم تتحمل وحدها وزر إنقاذ النادي لازم كل يد تنجم تعاون تتمد و لازم كل إنسان يتحمل المسؤولية في الشيء اللي عملو و إلا اللي باش يعملو و فتح باب الإنخراطات أصبح ضرورة قصوى و الجلسة العامة التقييمية و الإنتخابية واجب إنعقادها لتحديد مسار النادي و تحديد مستقبله مع التنصيص على محاسبة كل إنسان أضر بالنادي و خلاه يوصل للحالة هذي”
ويؤكد كاتب عام الجمعية من خلال هذه التدوينة التي يكتبها لأول مرة منذ تقلده مهامه بالإفريقي أن الوضع اصبح خطيرا للغاية خاصة في مثل هذا الوقت فقد تكدست عقوبات الفيفا في ظرف صعب على كرة القدم في العالم ككل إضافة الى الإفريقي يمر منذ موسمين بظروف استثنائية لكن الوضع اصبع اصعب مما يتصوره أي كان ..ولذلك تكلم الكاتب العام على الفايس بوك مخاطبا الأفارقة بالحقيقة ..
خالد بن أحمد
