وفاة فرح بلقاضي.. خولة سليماني تخرج عن صمتها (فيديو)
فايسبوكيات:
لاول مرة منذ وفاة الانستاغراموز فرح بلقاضي خرجت صديقتها والتي كانت برفقتها في رحلتها الاخيرة في ايطاليا وفي الحياة خولة سليماني لترد على كل ما قيل حول الموضوع وحتى بعض التلميحات .
لاول مرة منذ وفاة الانستاغراموز فرح بلقاضي خرجت صديقتها والتي كانت برفقتها في رحلتها الاخيرة في ايطاليا وفي الحياةخولة سليماني لترد على كل ما قيل حول الموضوع وحتى بعض التلميحات .
تدخلت خولة سليماني ليلة البارحة في قناة تلفزة تيفي لترد على كل الاشاعات وايضا التساؤلات حول حيثيات وفاة الانستغراموز فرح بلقاضي .
وقالت سليماني : نحكي بالسرقة خاطر في الكلينيك في سويسرا.. أنا تحت رعاية ممنوع نتكلم والتاليفون دخلتو بالسرقة أنا ماكنتش باش نطلع ونسافر ، وفرح شدت الصحيح باش نمشي لعيد زواج أحد أصدقائها وأنا ماكنتش في حالة جيدة ..أنا خلطت عليهم مبعد في سيسيليا ومشينا لمالطة.. في الباتو كنا 3 أصدقاء والكوبل أصحاب فرح..رقدنا في الباتو ، وصل نهار العيد لمالطة وعيدنا في الباتو” واضافت ” رقدت أنا الأولى خاطر تاعبة من السفر وهوما بعدي ، ماناش فرد بيت مع المرحومة ، قيمتني بياتريس قاتلي راو فرح ماحبتش تقوم كل شي مقيد والأقوال موجودة والباتو فيه كاميراوات كانت فرح باش تشري روبة لأمها وبعد نفطرو ونمشيو للمطار ماجاش لبالنا وقتها ، ماشي فيبالنا تفدلك كي دخلت كانت ماتتحركش والنفس ضعيف وكي جاو الاسعاف قالولي مازال قلبها يدق أنا طلعت معاها للمستشفى قلتلهم أنا صديقتها المفضلة ونمثل عايلتها الطبيب قالي قلبها وقف في الاسعاف وخدمناه وعاود وقف وعاود وقف في السبيطار وعاود خدمة أما حالتها صعيبة ورجعلي مبعد قالي قلبها عاود وقف ونحينا الماكينات وتوا راهي توفات وتابعت “إعلان الوفاة مافاتش الثمنية ونص متاع الصباح وأنا كلمت امها قلتلها ماتتفجعش فرح مرضت وهزيتها للسبيطار عاودت المرة الثانية كلمتها وعطيتها الطبيب كلم بوها دخلت شفتها وقريتلها قرآن ، وقمت بالواجب في الإجراءات قعدت معاها 15 دقيقة ونتفكر كان بستها من جبينها مبعد فقت كان في بيت في السبيطار…. حققوا معايا بالطبيعة ، وحالتي النفسية كانت تاعبة في السبيطار… وهما قالولنا تنجموا تسافروا بعدما شافوا الكاميراوات… التقرير الأول أزمة قلبية ، ومبعد صار التشريح قال أزمة قلبية…. أنا من غدوة مشيت للسفارة التونسية في مالطة وبعد من غدوة جاني زوجي السابق وهو صديقي والطبيب قالو يلزمها متابعة وأنا عندي الجنسية السويسرية”
واضافت: “أنا في تونس معروفة برشا وممكن هربت من الناس.. ماكنتش نتصور كمية الحسد والغل ، أحنا مسلمين نلوم على رجل قانون يلوج على البوز حسبي الله ونعم الوكيل ، مايعرفش القانون الدولي كان تحل بحث هل أنو نجم نسافر ولا نهرب ، وكيفاش نهرب لبلد أوروبي وفضاء شنغن إلي تنتميلو مالطة.. باش نروح لتونس ونقدم بيه قضية لأنو هو عندو مشكل شخصي من وقت قلب الذيب… امها لبارح نحكي معاها نهار كامل وماحكيناش بعد الستاتي أما بياتريس قاتلي امها متحيرة عليك وبعثتلها مساج… بالطبيعة ننفي وجود مواد مخدرة… كي توفات ريت وجهها تتبسم…إلي قالوا طاحت وتضربت على راسها ، حسبي الله ونعم الوكيل فيكم إلى يوم الدين والله ماناخذ حقي…كيفاش تهبطو les voices متاعها وهي تتكلم في ستورياتكم… ورحمة بابا ليلتها نلعبوا في لعبة قالولي فرح شنوة بالنسبة ليك قلتلهم فرح هي الحياة وماكنتش نعرف مبعد في سوايع باش تختفي من الدنيا.. هذي أول مرة واخر مرة باش نحكيها على التفاصيل مع فرح”
