أكد الدكتور زكرياء بوقيرة ، في تدوينة له على “الفايسبوك” اليوم الجمعة أن المستشفيين الجامعيين الحبيب بورقيبة والهادي شاكر بصفاقس يشهدان نقصا حادا في مخزون الاكسجين ، ما استوجب نقل المرضى الى المستشفى العسكري الميداني، منتقدا ما وصفه باستهتار السلطة الذي تسبب في نقص الاوكسجين في المستشفيات.
وتوقع الدكتور بوقيرة، أن طوفانا من الجثث سيعم البلاد اذا واصلت السلطة الحالية ما وصفها بسياسيتها الاجرامية على حد تعبيره.
وفيما يلي نص التدوينة:
” انهيار المنظومة الصحية !
نقص حاد وكبير في مخزون الأكسيجين في زوز من اكبر المستشفيات في تونس
المستشفىيين الجامعيين الحبيب بورقيبة والهادي شاكر بصفاقس
الشيء هذا استوجب نقل المرضى الى المستشفى العسكري الميداني
هزوهم بجميع الوسائل الممكنة منها كراهب العمال بقطاع الصحة.
الحاجة هذه عمرها ما صارت في تاريخ تونس
وعمرها ما كارها صارت
استهتار السلطة بحياتنا خلات الأكسيجين يتقص في السبيطار
منذ مدة نشرتلكم وثيقة متع شركة تزويد أكسيجين تنبه في السبيطار انه على قريب بش يصير عطب في التزويد
يبدو انهم قاعدين توة يحاولو يزودو صفاقص باكسيجين من دزاير
الي يزيد يقلق اكثر ان الموجة الي نعيشو فيها مازالت في بدايتها ومازالت مطولة
معناها كان من توة يتقص الأكسيجين فان ابشع سيناريو كنت نتصورو بش يكون متفائل على الواقع
طوفان جثث سيعم البلاد كان بش نخليو السلطة هذه تواصل في سياستها الاجرامية
ربي يحميكم انتوما وعايلاتكم حاولو قدر المستطاع ما تكونوش من بين المصابين في الموجة هذه
ايامات صعيبة بش ندخلو عليهم
#حجر_صحي_شامل”
