الظلام خيم في المستشفيات… مقيمة مع ابنها في المستشفى تروي
فايسبوكيات:
انقطع الكهرباء تمام الساعة الواحدة من صباح اليوم على كامل البلاد بمنازلها ومؤسساتها ومستشفياتها ومصحاتها من شمالها الى جنوبها.
تونس الان:
انقطع الكهرباء تمام الساعة الواحدة من صباح اليوم على كامل البلاد بمنازلها ومؤسساتها ومستشفياتها ومصحاتها من شمالها الى جنوبها.
لحظات من الظلام لئن تعد عادية بالنسبة لمواطن عادي بصدد النوم او السفر او العمل ، يمكن ان يؤجل ذلك الى حين عودة الكهرباء ، لكن ما اقساها لحظات على شخص بالمستشفى تحت الالة او في غرفة العمليا .
لحظات قاسية روتها ام اليوم مقيمة مع ابنها باحدى المستشفيات ، وحالة الهلع التي اصابت المرضى واصابت الطاقم الطبي الذي وقف للحظات عاجزا لا يدري ماذا يفعل وكيف سيتصرف عند نفاذ البطاريات.
تقول ريم”انك تقص ضو هلى سبيطار ! لا الاه الا الله ! والترانسفو قداش بش يشد! ملا فجعة قمت بالوقت ماكينة التنفس قامة تعمل في الارم …عزيز تفجع بالوقت ..اقسم بالله لاعمري تحطيت في موقف كي هكا … عزيز انا ماما تتفجعش الضو الضو قص ماتخافش يا وليدي ماما بحذاك نشوف في عينيه الخوف وانا ديجا نعرف الي الماكينة فيها باتري … عزيز الماكينة فيها باتري ماتخافش حتى يقص الضو هيا تخدم …. البيوت ظلام تشوف في الطبة والفرامل تتجارا ! الضو قض عالمرضى الضو قص عالمرضى … يجوك يلقاوك ديجا وقفت لولدك وتريض فيه … برافو مدام برافو مدام … عزيز ماتخافش تا القروب يخدم … شبيه لتو ماخدمش القروب .. ماتخافش مدام الماكينة تخدم بالباتري نص ساعة … حمدالله انا بحذا ولدي …حالة هلع .. علاش قصيتوه على تونس لكل تونس ظلمة !
وتابعت “
اقسم بالله اقسم بالله اقسم بالله لا عمري ولا في الخيال اني انا ريم بعزي ودلالي نتوقع اني نتحط في موقف كيم الي صار الفجر كي وقف القروب والضو مزال مارجعش … كي تشوف وجوه الفرامل والطبة سلمو امرهم لله … والرعشة الي صارت ليهم … دكتور الماكينة 17 min تخدم مزاللها ربع ساعة وتسكت الضو مارجعش دكتور … وقت تشوف طبيب حط يديه على راسو ويقلك الله غالب ماعندنا مانعملو … اقسم بالله العظيم اقسم بالله العظيم اقسم بالله العظيم تمنيت تتشق الوطى وتبلعني ولا نشوف ولدي يموت قدامي مخنوق انك قدام ولدك تمثل القوة والله لا توقعت روحي قوية لهالدرجة … انك تضحك في وجه ولدك وتقلو ارقد غاليا ارقد وولدي عطا فيا الثقة ورجع رقد … تخافش ماكينة بالباتري تخدم وهوا في الحقيقة مزاللها ربع ساعة وتسكت نقعد طول حياتي بتانيب الضمير انو ولدي عطا ثيفتو فيا ورقد متهني وهوا في الحقيقة الماكينة مازللها ربع ساعة وتسكت … والضو مارجعش وفي قلبك تقول … يا لطيف يا لطيف يا لطيف انت اللطيف مبعد يرجع الضو وحالة الفرحة في الطبة رجع الضو رجع رجع !يا اميييييييمتي عالرعب الي صار في الانعاش مبارح يا مييييمت”.
